Tíska!

Þegar maður er frægur þá getur maður víst látið bíða eftir sér................þið sem eruð ekki jafn mikið inni í tískunni eins og ÉG vitið sennilega ekki að nú stendur yfir tískuvika hér í London. Við hýstum einn helsta frömuð kínverska Vogue tímaritsins á dögunum og í kjölfarið fengu íbúðarfélagar mínir það hlutverk að taka viðtal við Kate Moss í dag. Þau áttu að vera mætt í hús kl 9 í morgun sem þau og gerðu.....................klukkan 5 pm var viðtalið ekki enn í höfn! Ég reikna með þeim til baka kannski fyrir miðnætti. Já já svona er að vera þræll tískunnar, það eru ekki bara hælsæri og svengd sem fylgir þessu heldur greinilega slatti af biðlund.
Minn helsti tískuráðgjafi benti mér á að kannski væri kominn tími á að ég segði skilið við eiturgrænu adidas hettupeysuna sem ég er búin að klæðast all oft.......kannski líka spurning hvort ég skelli mér í litun og plokkun þar sem það hefur nú aldrei talist aðlaðandi að vera andlitslaus og sjálfsagt mundi ein umferð af Ásgeiri Kolbeins ekki heldur skaða.............svona til að valda ekki gífurlegu endurkasti á ströndinni og skaða augun á saklausum ferðalöngum.